Amit Shah-a'n Tripura tlawh dawn

Union home minister Amit Shah chuan Bru resettlement programme enpui turin May thla hian Tripura a tlawh dawn.

Tripura-ah hian Mizoram atanga lut, Bru hnam mi 37,136 awm mekin, an zinga a tam zawk hi sorkarin an awmna tura a siam, hmun 12 ah an khawsa mek a ni.

Home Minister hian May 8-ah Gomti district-a Karbook leh Amarpur subdivision-a Bru te awmna hmun a tlawh dawn niin district magistrate Govekar Mayur Ratilal chuan a sawi.

Amarpur-a Paschim Kalajari-ah Bru hi chhungkaw 439 awmin, Karbook-a Silacherri ah chhungkaw 264 an awm. Heng hmun pahnihah hian tui thianghlim, electricity leh healthcare facility te siam a ni tih official-te chuan an sawi. Kar liam ta khan health secretary Debasish Basu chuan health sub-centre pahnih a hawng a ni.

Tripura chief minister Manik Saha chuan kar liam ta khan New Delhi-ah Amit Shah hi a hmu a, a state a tlawh tur atana inbuatsaihna enpui turin Paschim Kalajari leh Silacherri pawh kal thuai a tum.