Assam Governor-in cow hostel a hawng

Assam governor Gulab Chand Kataria chuan Inrinni liam ta khan Sonitpur district tlawhin, Assam state leh hmarchhak biala cow hostel leh cow research centre hmasa ber a hawng.

Governor hian Ghoramari, Tezpur-a Vihangam Yoga institute of cow management leh Radhtriya Gau Dhan Mahasanga buatsaih, 'Gau Kumbh' a hawng bawk.

India rama bawng dinhmun pawimawhzia sawiin, Governor chuan ransa ṭangkai, mihringte leh environment tan pawha hlawkna a ni tih a sawi. Cow-based product-te hmangin India economy thuam chak a nih bakah, environment pawh tihthianghlim a ni dawn a ni, a ti.

Vihangam Yoga institute of cow management anga ramchhung hmun dangah pawh tih tak zetna nena project siam nih chuan, bawng humhalh leh chawilarna leh, cow-based economy siamna kawngah hmasawnna a awm ngei ang tih Governor chuan a sawi bawk.

India rama bawng awm zat tlahniam chungchang pawh sawiin, Kataria chuan mitinten awmze neia hma an lak a ṭul a, bawng humhalhna lam ngai pawimawh a, bawng chenna hmun tur tam zawk siam a ṭul a ni, a ti.