Nagaland CM-in education leh health sector tan Rs vbc 180 ruahman

Nagaland chief minister Neiphiu Rio chuan an state-a underdeveloped area-a education leh health sector tihhmasawnna turin, a kaihhruai sorkar chuan Rs vbc 180 a ruahman tih a sawi.

Chief Minister chuan department of under developed areas (DUDA) kaltlangin sum hi pek a ni dawn a, department hrang hrang hotute chu inkaihhruaina leh ngaih pawimawh hmasa tur chungchangte sawipui an ni ang.

Rio hian Kiphire district-a Zinki lui chunga bailey bridge a hawnnaah he thu hi a sawi a ni. Kiphire district hi 'underdeveloped' tia sawiin, eastern Nagaland-a awm a ni.

Eastern Nagaland hian district paruk a huam a, he biala chengte chuan ngaihsak an hlawh lo a, hmasawnna kawnga an bial a hnufum bik avangin state hran, Frontier Nagaland siam an phut mek a ni.