Imphal Airport-ah facial recognition system dah

Manipur sorkar chuan Inner Line Permit (ILP) system leh security tihchangtlunna turin, Imphal Airport-ah facial recognition system (FRS) a dah.

Manipur-ah hian kum 2020, January 1 aṭang khan ILP system hi hman a ni. Airport gate-a FRS system an dah hnuah hian ILP bawhchhia a, Manipur chhuahsan tumtu pakhat chu man chhuah nhgal niin, police-ten an man a ni.

Chief minister N Biren Singh chuan Imphal Airport-ah FRS dah chu an ram leh, ram mipuite chhanhimna tur a ni tiin, hei hi a kaihhruai sorkarin a ngaih pawimawh ber a nih thu a sawi. ILP thuam chakna tur hian state sorkar chuan deputy commissioner leh labour commissioner-te tan ILP portal a lo siam tawh bawk. He portal hmang hian permit dil, data lakkhawm leh ILP pek tawh enfiah pawh awlsam leh ṭha zawkin a kalpui thei dawn a ni.