Manipur : CBI-in NIA SP leh Inspector thubuai siamsak

Central Bureau of Investigation (CBI) chuan National Investigation Agency (NIA) superintendent of police (SP) Vishal Garg leh inspector Rajib Khan-te chu Imphal-a branch office-a an awm laiin mi ṭhenkhat thubuai siamsakah vauin, an lak aṭanga Rs nuai 60 laksaka puh chungchangah thubuai a siamsak.

CBI hian FIR an ziahluhah, NIA official pahnihte hian Manipur khawpui, Imphal-ah hian mi ṭhenkhat chu thu zawhfiah tur nia sawiin an ko khawm a, mahse pawisa an laksak zawk tih an sawi. Sudhanshu Shekhar Shukla, Deputy Superintendent, admin, NIA Headquarters, New Delhi hnen aṭanga complaint an dawn hnuah case hi an siamsak ta a ni.

Shukla hian CBI hnena complaint a thehluhah, Imphal SP Garg leh Inspector Rajib Khan-te hian mi ṭhenkhat chu NIA case siamsakah vauin, pawisa tam tham tak an laksak tih thu an dawng tih a sawi. NIA Director General Dinkar Gupta thurawn angin, union ministry of home affairs chuan April thla khan Garg hi thamna laa puh a nih chungchangah a hna aṭangin a lo suspend tawh bawk. Garg hi 2007 Samjhauta Express-a bomb puak chungchangah chhui a ni a, mahse he thil an chhuina hmang hian sumdawng pakhat chu Rs vbc 2 pe tura an vau avangin kum 2019 khan mi dang pahnih nen suspend an ni.

CBI hian IPC Section 120-B (criminal conspiracy) leh 388 (extortion) bakah, Prevention of Corruption Act-a section hrang hrang hnuaiah FIR hi an ziaklut.