Sikkim : Ruahsur nasa vanga khualzin tangkhangte chhanchhuah

Sikkim-ah ruah nasa taka a sur vangin Nathula bulah khualzin 40 vel an tangkhang a, tangkhangte hi Thawhṭanni khan Border Roads Organization (BRO) chuan an chhanchhuak.

Nimina Defence PRO-in a tarlan danin, Nathula bula khualzin tangkhangte chhanchhuah hna hi BRO Karmayogies-ten an thawk a ni. Khualzinte hi ei tur pein, an tawmhulna turte ruahman sak an ni a, kawngpui hawn a nih leh hnuah Gangtok lamah an kir leh an ni.

April thla tir lam khan BRO hian vur tawlh nasa tak avanga Sikkim khawchhak lama khualzin tangkhang, mi 350-te chu an lo chhanchhuak tawh bawk. Nathu La pass-a vur tawlh vang hian mi pasarih an thi a ni.