Assam-Meghalaya border talk nei leh dawn

Assam leh Meghalaya-in ramri buaina an neihna hmun 12 zinga hmun parukah inremna an siam tawh a, a bak hmun dang paruka inremna siam leh tura inbiakna chu tun thla, May chhung ngeia neih hman tum a tih Meghalaya chief minister Conrad K Sangma chuan a sawi.

Conrad Sangma chuan Assam CM Himanta Biswa Sarma nen pawh telephone hmanga an inbiak thu leh, inbiakna neih ṭan hun tur an ngaihtuah mek thu a sawi. Ni khat thilthuah engkim chinfel theih an beisei lo a, mahse state pahnihte chuan an buaina neihte chinfel tumin theihtawp an chhuah tur thu a sawi bawk.

Nikum March 29 khan state pahnih chief minister-te hian ramri buaina a neih mekna zinga hmun parukah inremna tur, memorandum of understanding (MoU) chu union home minister Amit Shah hriatpuina hnuaiah an lo ziak tawh a ni.