Assam-ah Khawvela hospital train hmasa ber

Khawvela hospital train hmasa ber, Lifeline Express (LEE), Jeevan Rekha tih bawk chuan Assam a thleng tawh a, January 18 hian hawn a ni ang. 

LLE hi Dhubri dis­trict-a Gauripura rel sta­tion-ah a thleng a, platform no 3-ah hian ni 21 chhung dintir a ni ang. January 18 aṭangin hos­pital hi hawn ṭan a ni dawn a, damlo mamawhte a thlawna enkawlin, zai ngai pawh zai nghal an ni ang. Hei bakah hian a thlawn vekin damdawi sem a ni dawn bawk. 

Lifeline Express hi kum 1991-a din a ni a, Impact India Foundation leh Indian Railways thawkdunin an din a ni. Sorkar flagship prog­ramme hnuaiah ram chhung hmun hrang hrang, a bikin hmun kilkhawr zawkahte kalin damlote enkawlna atan hman a ni. He hospital train-a inzaina, operation theatre pawh hi hmanraw ṭha ber hmanga thuam a ni. Qualified doctor leh surgeon team ten damlo te hi an enkawl ṭhin.