Meghalaya : NPP-ah PDF party inchhunglut

Meghalaya-a regional party, People's Democratic Front (PDF) party chuan rorellai, National People's Party (NPP)-ah an inchhunglut.

Member 60 awmna, Meghalaya Assembly-ah NPP hian MLA 26 neiin, kum ruk liam taa din, PDF MLA pahnihte an party-ah an luh ve leh tak vangin MLA 28-ah an pung chho ta a ni.

NPP-a PDF inchhunluhna, merger document-ah hian NPP national chief leh Meghalaya chief minister Conrad K Sangma leh PDF chief Gavin M Mylliem-ten hming an ziak a, NPP national president vice president Prestone Tynsong, NPP general secretary Sniawbhalang Dhar leh PDF working president Banteidor Lyngdoh-ten an telpui.

PDF general secretary, Auspicious Lyngdoh chuan merger document hi chhiar chhukin, heta inremna an siamah chuan ILP (inner line permit) system hman, Khasi ṭawng official-a pawm, Assam nena ramri buaina chinfel, air connectivitiy leh power supply tihchangtlunte a tel. Hei bakah hian argiculture policy siam, recruitment policy langtlang, Meghalaya Minor Minerals Concession Rules 2016 ennawn leh an state-a ruihhlo hluar zel tihremna tura hmalakte pawh a tel bawk.