SDF-in SPSC ṭhiat turin an phut

Sikkim Democratic Front (SDF) party chuan Sikkim Public Service Commission (SPSC) chu state civil service lakna tura thil dik lo a thlen hnuah, preliminary examination neih ṭhat tir loa main examination zawk buatsaih a tum avangin SPSC chu ṭhiah an phut.

SDF chuan SPSC-ah hian chhungkhat laina induhsakna nasa taka kalpui a nih thu an sawi bawk.

SPSC hian kumin January 16 khan Under Secretary, Deputy Superintendent of Police leh Accounts Officer post 62 atan preliminary examination a buatsaih a, mahse exam neihnaah hian candidate tam takin an entawn nasat bakah, examination hall chhungah ngei pawh invigilator-ten duhsak zawngte an thliar nasa nia sawi a ni. Sawiselna nasa tak a awm hnuah SPSC chuan preliminary examination a lo buatsaih tawh chu a sut a, mahse exam ṭhat tir loin candidate zawng zawng chu main exam hmachhawn vek turin a ti ta zawk a ni.

Candidate 8,000 zet te preliminary examination paltlang ngai loa main examination hmachhawn tir vek chu dik lo taka thiltih a, SPSC-in an mi duhsak zawngte thlan chhuah theihna remchang a siamsak zawk dawn a ni, tiin SDF chuan an sawi. Hei vang hian dik taka exam buatsaih a nih theihna atan UPSC official-te chu preliminary examination buatsaih ṭhat tir zawk turin state sorkar leh SPSC an phut.