Assam-in cashless healthcare scheme thar a hawng

Assam sorkar chuan cashless healthcare scheme thar a hawng a, he scheme hi chhungkaw nuai 25 ten an chhawr thei dawn a ni.

Cashless healthcare scheme hnuaiah hian chhungkaw pakhat tan kum khatah damdawi lama enkawlna, Rs nuai 5 thleng pek theih a ni ang.

Chief minister Himanta Biswa Sarma chuan a kaihhruai BJP sorkar term hnihna, kum hnih tlin champha Nilaini khan he scheme thar, ‘Ayushman Asom – Mukhya Mantri Jan Arogya Yojana’ hi a hawng a ni. Ayushman Asom’ scheme hi National Food Security Act (NFSA) hnuaia awmten an hmang thei dawn a ni.

He scheme hian healthcare procedure 1,588 huamin, state chhunga hospital 300 chuang bakah Ayushman Bharat-listed health facility zawng zawng a huam bawk ang.

Sorkar chuan pawisa faia pek ngai loa damdawi lam enkawlna pekna scheme hian a tirah chhungkaw nuai 26 a huam dawn a, a tahtawlin tihpun chhoh zel a, chhungkaw nuai 32 huam tir tum a ni tih a sawi.