Meghalaya : Zirlaiten Mahatma Gandhi University VC an kalhkhum

Meghalaya-a Mahatma Gandhi University (MGU)-a zirlai, zirtirtu leh Khasi Students' Union (KSU) member-te chuan nimin khan nawrh huaihawtin, MGU Vice-Chancellor chu campus chhungah an kalhkhum.

Zirlaite hian univeristy-a zirtirtu indaih lohna leh, thil hrang hranga an lungawi lohnate lantirin nawrh hi an huaihawt a ni. Department tinah zirtirtu pakhat emaw, pahnih emaw chauh an awm a, hei bakah hian library-ah pawh lehkhabu engmah a awm lo tih an sawi bawk. Zirlaite chu a chhan sawichiang loa pawisa chawitir an ni fo a, university thil tih dan dik lo sawiseltu zirtirtute chu ban an ni zui zel niin an tarlang.

Vice-Chancellor hian zirlai nawrh huaihawtte hi a hmu duh lo a, hei vang hian university main gate chu zirlaite hian an kalh zui a, VC hi campus chhuahsan thei loin a awm a ni.