KSU-in ‘Lady Hydari Park’ tih an duh lo

Khasi Students' Union (KSU) chuan Shillong park-a ‘Lady Hydari Park’ tih hming tar chu an duh lo tih sawiin, he park hi kum nga liam taa official-a a hming lo pawm tawh, ‘Ka Phan Nonglait Park and Animal Land,’ tia tar an phut.

KSU chuan kum 1829 - 1833 inkara British awpna huaisen taka dodaltu, Khasi hmeichhia Phan Nonglait-i chawimawina atan he park hming hi thlak a ni tawh tih an sawi. State sorkar chuan kum 2001, September 11-a park hming thlakna tura thuchhuah a lo siam tawh ngei pawh a zawm lo a ni, an ti.

Kum 2018 aṭang khan official-a park hming thlakna hi pawm a nih avangin Phan Nonglait Part tia hriat leh sawi a ni ṭawh a, hetih laia sorkarin Lady Hydari tih inziahna a tar thar leh chu an lungawi lo hle tih KSU chuan an tarlang.