Hmarchhaka thlai tharchhuah chi 13-ah GI tag hman phalsak dawn

Hmarchhak biala thlai leh thei tharchhuah chi 13-ah loneitu leh entrepreneur 800-te chu Geographical Indication (GI) tag hman phalsak an ni dawn.

GI tag hman phalsaknate chu - Arunachal Orange, Assam-a Tezpur Litchi leh Karbi Anglong Ginger, Manipur-a Kachai Lemon leh Chak-Hao’ Black Rice, Meghalaya-a Khasi Mandarin orange leh Memang Narang orange, Mizoram-a Mizo Chilli, Nagaland-a Naga Tree Tomato leh Naga Sweet Cucumber, Tripura-a Queen Pineapple leh Sikkim-a Sikkim Large Cardamom leh Dalle Khursani chilli-te an ni.

DoNER ministry hnuaia North Eastern Regional Agricultural Marketing Corporation (NERAMAC) hmarchhak state pariat aṭanga heng thlai/thei tharchhuaha mi 800-ten GI tag an hman phalsakna tur hi Geographical Indication Registry, Chennai-ah a thehlut ve leh ang.

NERAMAC Managing Director Commodore Rajiv Ashok (Retd) chuan he hmalakna hi hmarchhak biala thil tharchhuahte chawilar leh venhimna kawnga hmasawnna pawimawh tak a ni tih a sawi.