Hmarchhak-ah document lem hmanga mobile connection pek nuai 1.52 awm

Department of telecom (DoT) chuan hmarchhak state paruk - Arunachal Pradesh, Manipur, Meghalaya, Mizoram, Nagaland leh Tripura-ah document lem leh siamchawp hmanga mobile connection, SIM card pek nuai 1.52 vel hmuhchhuah a ni tih a sawi.

Telecom Service Provider (TSP) chuan dik lo taka SIM card pekchhuah, re-verification process paltlang thei lo chungchang hi chhui chian a nih hnuah, point of sale (PoS) 493 chu tihtawp sak an ni a, police-ah complaint 71 thehluh a ni bawk tih a sawi a ni.

Document lem hmang SIM card lakchhuahte hi dik lo taka thil tihna, cybercime, financial fraud leh khawtlanga boruak ṭha lo siamchhuahna hman nasat a nih thu DoT chuan sawiin, hemi veng tur hian hma lak a nih thu a sawi bawk.