Nagaland-in flower industry tihchangtlung tum

Nagaland sorkar chuan an state chhunga pangpar chingtute dinhmun chawikan a, flower industry tichangtlunna turin policy a siam dawn.

Inrinni liam taa Nagaland Flowers Growers Society-in Kohima khawpuia flower exhibition-cum-sale an neihnaah, Nagaland Chief Minister adviser leh Investment of Development Authority of Nagaland chairman, Abu Metha chuan sorkar hmalak tumna hi sawiin, flower industry chuan an state economy tan an thawhhlawk theih tur thu a sawi.

Metha chuan Nagaland mipui, a bikin hmeichhiate chuan pangpar an lawmin, a chinna lamah pawh talent nei ṭha tak vek an ni, a ti. State sorkar leh statekholder hrang hrangte thawhhona hmangin, pangpar chingte tan ruahmanna leh hmalakna ṭha tak siam a nih thuai a beisei thu a sawi bawk. Flower Growers Society pawh flower industry in a mamawh leh harsatna a neihte a sawipui bawk a ni.