Arunachal Pradesh : Dibang Valley-a Tiger Reserve siam tumna tribal-ten dodal

Arunachal Pradesh-a Dibang Valley-a Dibang Wildlife Sanctuary siam tumna chu he biala cheng, Idu Mishmi tribe-ten an duh lo a, ramngaw/ramhnuai an hman ṭangkai ve theihna kawng a dal dawn niin a ngai.

National Tiger Conservation Authority (NTCA) chuan April thla khan Dibang Wildlife Sanctuary siamna tur hi a pawm a ni. Siam puitlin a nih chuan India rama high altitude tiger reserve hmasa ber a ni ang.

Mahse Mishmi tribe peng, Idu Mishmi chuan he ruahmanna hi an dodal a, ramngaw/ramhnuai chu an intun nunna atan a pawimawh a, mahse humhalh a nih chuan an dam khawchhuahna tur kawng thlengin a nghawng thei dawn niin an ngai. Idu Mishmi hi Dibang Valley leh Lower Dibang Valley-ah an khawsa a, 2011 census-ah khan 12,000 vel awrh chauh an awm tawh. An ṭawng pawh hi United Nations Educational, Scientific and Cultural Organisation (UNESCO) chuan ṭawng ral mai hlauhawm, 'endangered' zingah a telh tawh bawk.