Document lem siam chung-changah Meghalaya DTO man

Assam police-te chuan Meghalaya-a East Garo Hills-a district transport officer (DTO), Gene Kelly G Momin chu motor rukte tan document lem a siamsak nia sawiin an man.

Assam-a Goalpara district-a cheng, Gulam Ali man a nih hnuah thu an zawhfiahna leh an chhuizuina aṭangin, motor pathum a kawl mek tana document a neihte chu a lem a ni tih hriatchhuah a ni. Motor a rukte hi a chassis number tichhiain, East Garo Hills DTO hian document leh registration number tharte a lo pe niin police-te chuan an sawi. Hetianga dik lo taka thiltihnaa inhnamhnawih dangte pawh hriat an nih thu leh, a tam zawk erawh chu an tlanchhiat thu an sawi bawk.