NTPC-in Tripura-a floating solar plant siam dan zirchiang dawn

National Thermal Power Corporation (NTPC) Ltd chuan Tripura-a Gomati district-a Dumbur Lake chunga 130-MW floating solar power plant siam dan tur zirchian hna chu Thawhṭanni aṭang khan an thawk ṭan.

Tripura sorkar hian kum nga chhungin solar power energy siam chhuah chu 4.07 MW aṭangin 7.21 MW ah a tipung hman a, renewable energy tam zawk siam chhuah tumin hma a la mek bawk.

Tripura Renewable Energy Development Agency (TREDA) hian floating power plant siam dan ngaihtuah turin NTPC chu memorandum of understanding (MoU) a ziahpui a ni. NTPC hian Telangana-a Ramagundam-ah 10 MW floating solar power project hi a lo enkawl mek a ni.

NTPC hian floating power plant siamna tur enfiah hna hi thla rei vak loah a zawhfel theih beisei a nih thu TREDA joint director Debabrat Sukladas chuan a sawi. Tripura sorkar chuan kum 203-ah solar energy MW 200 siamchhuah hman a tum a, hei vang hian MW 130 siam chhuak thei tur floating power plant hi a pawimawh dawn hle tih a sawi bawk.