Sikkim statehood day pualin President-in duhsakna hlan

President Droupadi Murmu chuan nimin khan Sikkim statehood day pualin Sikkim mipuite duhsakna a hlan.

Sikkim hi kum 1975, May 16 khan state puitlingah hlankai niin, India ram state 22-na a ni.

President chuan Sikkim state chu India ramah organic farming lama hmahruaitu a ni tiin, sustainable development lama state dangte entawn tlak a ni, a ti. Nikuma Sikkim state a tlawh ṭuma mipuiten an lo dawnsawnna ṭha tak chuan a rilru a khawih reng tih sawiin, an state leh mipuite duhsakna sang ber a hlan tih a sawi a ni.

President bakah Congress party president Mallikarjun Kharge leh Rahul Gandhi-te pawhin statehood day pualin Sikkim mipuite duhsakna an hlan bawk.