Assam : Army-in joint flood relief exercise buatsaih

Indian Army chuan Thawhlehni khan Assam-ah tuilian thlen palh thulhah chhanchhuah leh chhawmdawl hna thawh dan tur chu agency hrang hrangte a zirtir.

Flood relief exercise hi Jal Rahat tiin an vuah a, khawthlang lam Chirang district-a Aie River-ah neih a ni. He hunah hian Sashastra Seema Bal, National Disaster Response Force, State Disaster Response Force, Assam police, Chirang district administration, leh District Disaster Management Authority-te an tel.

Army 21 Mountain Division general officer commanding, Maj Gen S. Murugesan chuan, exercise an buatsaih chu leilung chhiatna thlen palh thulhah, chhanchhuah hna thawktu hrang hrangte awmze nei leh ṭangkai taka an thawhho theih dan zirtirna tura tih a nih thu a sawi. He hunah hian Army-a specialist squad chuan tuilian vanga mahni chenna ina tangkhangte chhanchhuah dante an zirtir tel bawk.