NE state dang aiin school leh zirtirtu kan ngah : CM Sangma

Meghalaya chief minister Conrad K Sangma chuan an state-ah school 14,000 leh zirtirtu 55,000 chuang an awm tih sawiin, hmarchhaka state dangte aiin school leh zirtirtu hi an ngah zawk tih a sawi.

Chief Minister hian Thawhlehni khan Jaiaw Presbyterian Higher Secondary School kum 100 tlin lawmna a hmanpui a ni. Thu sawiin, CM chuan state sorkar chuan zirna in hrang hrangte tan hian kumtin Rs vbc 2,200 dawn a hmang ṭhin a tih a sawi. Hemi rual hian an sum sen ral hi a tawk ringawt lo a, Meghalaya chuan ram puma education sector-ah state tiṭha zual zingah a lan theihna tura beih a ngai a ni, a ti.

Education sector lam tihmasawnna tura hma la turin Education Commission din a ni dawn tih Sangma chuan a sawi bawk.