ADB-in Tripura-a temple cheiṭha dawn

Asian Development Bank (ADB) chuan Tripura khawpui, Agartala khaw daia 14 deities temple hmingthang tak cheiṭhatna tur sum a pe dawn.

He temple hi state sorkarin Kharchi festival neihna atana a hman ṭhin niin, kum tina kar khat awh festival neih ṭhin hi ramchhung hmun dang aṭang pawhin mi tam takin an chhim ṭhin.

State tourism minister Sushanta Chowdhury chuan MLA leh engineer ṭhenkhat nen temple hi tlawhin, temple cheiṭhatna tur hian Detailed Project Report (DPR) pawh buatsaih mek a nih thu a sawi. Chowdhury chuan masterplan an siamah hian ADB lam official ṭhenkhat pawh an tel tih sawiin, state official-te hnenah hna chu hun bituk chhung ngeia zo hman tura hriattir nghal an ni, a ti.