Manipur CM-in fast track court pahnih hawng

Manipur chief minister N Biren Singh chuan Nilaini khan POSCO leh pawngsual thubuai ngaihtuahna tur, fast track court pahnih a hawng. 

Hripui leng vangin CM hian video conferencing hmangin court pahnih hi a hawng. Hawnna inkhawm buatsaihah hian cabinet member-te an tel a ni. CM chuan Fast-Track Special Courts (FTSC) pahnih hmang hian pawngsual leh POSCO thubuaite chu rang zawkin ngaihtuah a ni thei dawn tih a sawi. 

Nilaini vek  khan CM chuan an state-a Covid-19 kaite enkawl turin doctor 100 dang chhawr an ni dawn tih a sawi. Manipur-a hian hri kai hi an pung chak hle a, hri kai hmuh chhuah tawh mi  3,093 awm tawhin, an zinga 1,862 chu enkawl dam an ni tawh a, enkawl mek mi 1,224 an awm a ni. 

State chhung mi, pawn lama zin chhuahna nei lo zingah hri kai hmuh belh zel an nih avangin state sorkar chuan sample a tam thei ang test turin hma lak a tum tih CM chuan a sawi bawk. ICMR pawm, rapid antigen test kit 20,000 an nei tawh a, cabinet chuan test kit 50,000 dang leina tur pawh a pawm tawh bawk.