Sikkim CM-in state budget 2023-24 a pharh

Sikkim chief minister Prem Singh Golay chuan Nilaini khan state annual general budget 2023-24 a pharh a, budget atan hian Rs vbc 12,146.51 dah a ni.

Ni li awh tur assembly budget session hi Nilaini khan ṭan a ni a, session ṭanniah finance department changtu ni bawk, CM Singh chuan budget hi a pharh a ni.

Chief Minister chuan budget thara sorkarin ruahmanna a siam hrang hrangte tarlangin, heng zingah hian Pathing leimin nasa tak tuartute awmna tur siamna tur te, kawng thar siamna tura Rs vbc 60 dah a nih te, veterinatary sector lama damdawi leina tur sum ruahman chu kum hmasa aia a let lia tihpun a nih te, state chhung ṭhalaite mahni kutkawih ngei hmanga an intodelh theihna tura youth start-up scheme kalpuina tur sum ṭhahnem tak dah a nih thute a sawi.

Infiamna lama talent nei ṭhate chawikanna turin, state sorkar chuan sport facility ṭha zawk leh playground-te siamna turin Rs vbc 30 a ruahman tih CM chuan a sawi bawk.

Session ṭan ni hian private university pahnih dinna tur bill pharh a ni bawk a, education minister Kunga Nima Lepcha chuan Namchi district-a Sikkim Global Technial University dinna tur, Sikkim Global Technical University Bill, 2023 leh Sikkim Organic Agriculture University Bill, 2023 a pharh ve nghal a ni.