Tripura-in border haat 8 siam belh rawt

Tripura sorkar chuan ramri bazar, border haat pariat siam belh rawtna sorkar laipuiah a thlen.

Tripura-ah hian border haat hi pahnih a awm mek a, Sabroom district-a Srinagar leh Sepajijala district-a Kamalasagar-ah an awm a ni. Hei bakah hian Dhalai district-a Kamalpur leh, North district-a Ragna-ah pakhat ve ve siam phalna sorkar laipuiin a pe tawh a, hemi hnuah a dang pariat siam belh rawtna hi state sorkar chuan a thlen leh a ni.

Chief minister Dr Manik Saha hoa review meeting neihah, industry and commerce department director Vishwashree B chuan border haat siam belh rawtna thlen a nih thu hi a sawi. An state-ah land custom station pariat a awm thu sawiin, Agartala-a integrated check post pakhat a awm tih a sawi bawk.

State sorkar chuan Unakoti district-a Kumarghat industrial area chu agarbatti sector hmunpuiah siam a tum thu CM chuan a sawi. Industrial entrepreneur tam zawk hipluhna turin industry and commerce department chuan ruahmanna tharte an siam a ngai a ni, a ti.