NBSE-in subject tam zawk chhawpchhuak turin school-te a hriattir

Nagaland Board of School Education (NBSE) chuan state chhunga higher secondary school-te chu zirlai naupangten an duh an thlan theihna turin an school-a subject tam zawk zir theih tura chhawpchhuak turin a hriattir.

National Educaotin Policy (NEP) 2020 in a tarlan angin, naupangte chuan an duhthlan subject an zir thei tur a ni, tiin NBSE chuan a tarlang.

Hriattirna tihchhuaah hian school-te chuan subject thlan tura bithliah, entirnan history emaw philosophy emaw, political science emaw economics emaw thlan zawk tur tiin an lo siam tur a ni lo a, institution-a subject zir tur awm aṭangin naupangte chu an duh apiang an thlang thei tur a ni, a ti.