NCM team-in Arunachal Pradesh tlawh

Member pahnih awmna, National Commission for Minorities (NCM) team chuan kar liam ta khan Arunachal Pradesh an tlawh a, Shi-Yomi district-a Sikh leh Buddhist-ten sakhaw hmun an inchuh chungchang an zirchiang.

NCM vice-chairperson Kersi K.Deboo leh team member Rinchen Lhamo chuan Mechukha-ah meeting koin, he hunah hian Buddhist Memba pawl aiawhte an kal a, Sikh pawl lam aiawh erawh an kal lo niin official-ten an sawi. NCM team hian sakhaw pawl pahnihte hmun inchuh, Mechukha aṭanga km 14-a hla, Neh-Pema Shelpu area-a awm chu a hmunah kalin an enfiah nghal bawk

Kar rei vak lo liam taah khan Shiromani Gurdwara Parbandhak Committee (SGPC) chuan Gura Nanak Dev nena inzawmna pawimawh tak nei hmun chu Buddhist hoin an chhuhsak niin an sawi a, hei vang hian NSC pawhin Arunachal Pradesh sorkar hnenah report kimchang thehlut turin a lo hriattir tawh a ni. Hetih laiin tualchhung mi, Buddhist lam chuan kum 1980 chhoa helai hmuna Sikh Army officer awm chuan gurudwara awm chu Guru Nanak-a meditate-na hmun a ni tiin a rawn sawi chawp tih an sawi thung. Gurudwara hi awm mah se, helai bialah hian Sikh an awm ngai loh avangin sipaiten an enkawl sak niin an sawi bawk.