Assam : Guwahati khawpuiah CrPC 144 puang

Assam khawpui, Guwahati-ah pawl ṭhenkhatin nawrh huaihawt an tum nia sawi a awm avangin venthawn thilah mi panga aia tam punkhawm khapna, CrPC Section 144 puan a ni.

Guwahati-a Police Commissionerate chuan nawrh huaihawt tum hian khawchhung boruak tichhia a,mipui nunphung a tihbuai tur venna atan Code of Criminal Procedure (CrPC)-a Section 144 hi Inrinni liam ta zan khan a puang a, thu leh awm hma chu hman a ni ang.

Police-te chuan pawl ṭhenkhatin khawpui chhung hmun hrang hrangah lungawi lohna lantir hi an tum a, hetianga nawrh huaihawt hian khawpui nunphung tibuai a, traffic leh mipui chetvelna thlenga tibuai a, boruak ṭha lo a thlen theih avangin punkhawm khapna hi tihchhuah an ni tih an sawi. He thupek zawm lote chungah hremna lekkawh a nih tur thu an sawi nghal bawk.