Tripura sorkarin old capital complex area cheiṭha leh dawn

Tripura sorkar chuan tourism sector tihchangtlunna tur kawng khat atan, Agartala khawpui bula old capital complex area chu cheiṭhat a tum.

Old capital complex hi Puran Haveli area-ah awmin, he hmunah hian Chaturdasha temple, museum leh structure dangte a awm. Agartala khawpui aṭanga km 8 vela hlaa awm niin, he hmun cheiṭhat leh cheimawina atan hian Rs vbc 20 project an siam a ni.

King Krishna Manikya Debbarma khan he complex leh temple hi kum 1760-a Udaipur aṭanga a khawpui a sawnna atana a din a ni. Kum 1838 khan Manikya lalte chuan Puran Haveli aṭangin khawpui hi Agartala-ah an sawn leh bawk.

Tourism minister Sushanta Chowdhury chuan, "Temple hi Tripura bakah Assam leh Bangladesh aṭangin June leh July thlaa 'Kharchi Mela' neih laiin mi tam takin an tlawh ṭhin. State sorkar chuan he hmun pawimawh tak cheiṭhatna atan hian Asian Development Bank (ADB) aṭangin loan lak a tum a ni," tiin a sawi. Minister hian helai bialtu MLA Ratan Chakraborty bakah senior official-te chu meeting neihpuiin, cheiṭhat dan turte an sawiho.