Meghalaya : Upper Shillong-a dawr 50 ṭhiahsak

Meghalaya forest department chuan Thawhṭanni khan Upper Shillong-a Shillong-Banuin Road-a phalna nei loa dawr siamtu 50-te chu chhuahtirin, thing hmanga an dawr sakte chu a tihchhiatsak.

Dawr neitute chuan ṭhiahtur an tih hma hian dawr pariat tih loh chu thuneitu lam aṭangin hriattirna engmah an dawng lo niin an sawi ve thung. Forest department-in an dawr ṭhiahsak an tum chu lo dang turin police leh magistrate lamah ngenna siam mah se, an rawn ngaihven zui lo a ni. Sorkar thiltih dan chu an dem thu sawiin, zangnadawmna pe turin an phut bawk.

Hetih lai hian Shillong-Dawki Road project thawh mekah, ram neitute hnena zangnadawmna pek a nih loh avangin, heng ram neitute hian an lungawi lohna lantirna atan highway-ah hian phalna nei loin dawr hi an siam lui nia sawi a awm ve bawk.