Assam aṭangin November thlaah AFSPA hlih vek beisei a ni : CM Sarma

Assam chief minister Himanta Biswa Sarma chuan, an state hmun ṭhenkhatah sipai hnena thuneihna sang pekna, Armed Forces Special Powers Act (AFSPA) hman mek chu kumin November thlaah chuan hlih vek beisei a ni tawh tih a sawi.

Thawhṭannia Dergaon-a Police Training Centre-a Armed Police commandants conference a hmanpuinaah, CM Sarma chuan, " Kum 2023 kumtawpah chuan Assam aṭangin AFSPA hi hlih theih vek tawh kan tum. Kan police-te chu sipai bangten training pek tir kan tum bawk a ni," a ti.

State chhung boruakin ṭhat lam a pan zel avangin AFSPA hi hlih tum a nih thu sawiin, hlih a nih hunah Assam Police battalion-te chu Central Armed Police Forces (CAPF)-te thlak tua thuam chak an ni dawn tih Chief Minister chuan a sawi bawk.

Sarma chuan police commandant leh Assam police battalion-te hna pawimawhzia sawiin, thla ruk danah Commandants' Conference chu buatsaih a nih ziah tur thu a sawi. Hei hian police force-ah pawh rah ṭha tak a chhuah thei zel dawn a ni, a ti.