SpiceJet-in hmarchhak aṭangin Myanmar leh Bangladesh-ah service dawn

Indian low-cost carrier, SpiceJet chuan UDAN scheme hnuaiah a service thar kalpui tur puangin, Tripura leh Manipur aṭangin Bangladesh leh Myanmar-ah thlawhtheihna a service tir dawn.

International flight pahnih a siam tura pakhat hi Agartala, Tripura leh Chattogram, Bangladesh inkar a ni dawn a, flight pahnihna hi Imphal,Manipur leh Mandalay, Myanmar inkar thlawh tir a ni ang. Flight pahnih hi June thla tawp lamah a service tir hman beisei a ni.

Spicejet hian Kolkata-Tezpur-Kolkata sector ah UDAN scheme hnuaiah vek thlawhtheihna service tir a tum bawk. Airlines hian a thlawhtheihna din tir mek pali chu June 15 aṭangin service tir a tum tawh bawk a, heng zingah hian Boeing 737 aircraft pahnih a tel.

UDAN (Ude Ka Aam Naagrik), regional air connectivity scheme hi sorkar laipuiin mipuite tana man tlawm zawka thlawhtheihna service tirna tura a scheme siam a ni.