Postal department recruitment exam-ah Khasi leh Garo ṭawng telh turin ngen

Meghalaya sorkar chuan postal department hnuaia hna lak buatsaihah, Khasi leh Garo ṭawng telh turin a ngen.

Chief minister Conrad K Sangma chuan hemi chungchangah hian kar liam ta khan union minister communication Ashiwni Vaishnaw hnenah ngenna hi a thawn a ni.

CM Sangma chuan ministry-in post thar tur a lak tura draft model notification a neih chu siamṭha a, tualchhung ṭawng thiam dah tel turin a ngen. Tualchhung ṭawng hi telh a nih chuan, an state-a ṭhalai lehkhathiam, hna nei lo tam tak sorkar hnaa luh theihna remchang a siamsak dawn a ni, a ti.

Hemi hma hian Federation of Khasi Jaintia and Garo People (FKJGP) chuan recruitment exam neihnaah Khasi leh Garo ṭawng telh an lo phut tawh a, CM chu sorkar laipui lam nawr turin an ngen a ni.