Sikkim-ah June 4 thleng sa zawrhna dawr khar a ni dawn

Sikkim state sorkar chuan 'Saga Dawa' an hman dawn avangin kar khat chhung sa talh khapna thupek Inrinni khan a tichhuak a; June 4 thleng sa dawr zawng zawng khar a ni dawn.

Ecclesiastic depart­ment chuan thupek hi tichhuakin, May 27 aṭanga June 4 thleng sa zawrhna dawr zawng zawng khar turin a ti a ni. Hemi chhung hian state pawn aṭanga sa lakluh pawh khap a ni bawk a, loh theih loh thil - mo lawmna, programme pawimawh leh sahuana ramsate ei tur chu Ecclesiastical Department-te hnen aṭanga phalna an lak hnuah lakluh phal a ni chauh ang.

Sangha zawrhna dawr erawh he dan hian a huam lo a, mahse sakhua serh leh sang zahna avangin hetih hunlai hian sangha pawh hralh chhuak lo tura an duh thu an tarlang bawk. Sa talh khapna dan zawm lote chu cheng 1,000 thleng chawi tir theih an ni ang.

'Saga Dawa' hi Buddhist calendar-a an hun pawimawh niin Tibetan hoin an hmang ṭhin a ni.