Meghalaya : Roster system panel-in all party meeting rawt

Meghalaya sorkar-in an state-a sorkar hna lakna tura hnam hrang hrang reservation siams

ak a nih dan chungchang ngaihtuah tura a din, Reservation Roster System committee chuan Thawhṭanni khan party zawng zawng telna meeting neih a rawt.

Committee hi health minister Ampareen Lyngdoh-i'n a ho a, reservation policy ennawn phuttu, Voice of the People Party (VPP)-te thu leh hla ngaihthlak sak turin chief minister Conrad Sangma hnenah ngenna thehluh an rel bawk.

VVP president Ardent Basiawmoit chuan Meghalaya sorkar chu reservation policy siamṭha tura nawrin, May 23 aṭang khan tiam chin awmloin chaw ngheiin a nuar.

Health Minister chuan political party zawng zawng, VPP tiamin, he roster chungchang ngaihtuahnaah hian an tel vek tur a ni tih chanchinthar lakhawmtute a kawmnaah a sawi. Party zawng zawngin roster system chungchanga inzirtirna an neihah an lungawi tlang tih report awm mah se, VVP party-te chuan lungawi lohna an nei a ni, a ti.

Lyngdoh chuan, "A hma thei ang bera reservation policy chungchang sawihona nei turin sorkar-ah ngenna thlen a ni ang, hetah hian VPP party-ten sawi duh an neihte sawina hun remchang siamsak an ni ang," a ti. Political party zawng zawngte chu roster chungchanga thutawp siam hmain an ngaihdan sawina hun siamsak vek a ṭul thu a sawi bawk.