NSF-in an office tihchhiat avangin sit-in protest nei

Naga Students' Federation (NSF)-te chuan kar kal ta Inrinni zinga an office suasam tute man an la nih loh avangin, Thawhṭanni zing dar 9 aṭang khan an office building kawtah lungawi lohna lantirin sit-in protest an nei.

NSF president Kegwaygun Tep chuan sit-in protest nei tura thutlukna hi Pathiannia an meeting-naah rel a nih thu a sawi. An office suasam chungchanga police-ten investigation an kalpui danah, an duh anga hmasawnna a awm loh avangin nawrh hi huaihawt an ni tih a sawi. An nawrh huaihawt chu thlawp turin Naga hnam zawng zawng leh NSF hnuaia pawl hrang hrangte a ngen bawk.

Naga club lamin office tichhetu an ni tia an sawi chungchangah, Tep chuan investigation kal lai mek a nih avangin thuneitute kutah an dah a, report kimchang a awm hma loh chuan Naga Club-te tihchhiat a ni ngei tih an sawi thei lo, a ti.