Indian Army hotuin Assam a tlawh

Indian Army chief, General Manoj Mukund Naravane chuan Ningani khan Tezpur, Assam a tlawh. China ramri ven hna kalpui a nih dante a thlir let. 

Tezpur hi 4 Corps ho hmunpui niin, anni hian Assam leh Arunachal Pradesh-a China ramri hmun ṭhenkhat an veng a ni. Senior military commander-te chuan Gen Naravane hnenah Line of Actual Control (LAC) boruakte lo hrilhin, security force-te hma an lak dante an lo sawipui.

July thla khan Gen Naravane hian khaw­thlang lam ramria ven­himna kalpui a nih dante thlithlaiin Punjab-a Amritsar leh Ferozepur alo tlawh tawh a, Jammu-Pathankot region-a international border pawh tlawhin, heng hmuna commander awmte chu a lo kawm tawh bawk a ni.