June ni 18-ah BJP President-in Tripura tlawh dawn

BJP national President, JP Nadda chuan June ni 18 hian Tripura tlawhin, Santirbazar hmuna rally neih turah thu a sawi dawn.

Rally-ah hian nakkum Lok Sabha inthlanpui lo awm tur campaign khuhhawnna neih a ni dawn a, hlawhtling taka neih a nih theih dan tur ngaihtuahin Chief Minister Manik Saha leh state BJP President Rajib Bhattacharjee-te chuan party hotute pawh meeting an neihpui tawh bawk.

Tripura-a Lok Sabha bial pahnihah hian 2019 inthlan khan BJP hian hnehna an chang ve ve a ni.

Bhattacharjee chuan, "BJP national President, JP Nadda chu June ni 18-ah Tripura tlawhin, South Tripura district-a Santirbazar hmuna rally neih turah thu a sawi ang. Rally hi central-a Narendra Modi sorkar kum kua tlin lawmna tura buatsaih a ni a, 2014 aṭanga mi retheite hamṭhatna tura hnathawh tawhte tarlan a ni bawk ang," a ti.