Meghalaya-in kawlphetha lei nan nitin Rs vbc 3 a hmang

Meghalaya Chief Minister Conrad K Sangma chuan an state-in tun hnaiah nitin khawphetha vbc 3 man a lei ṭhin tih a sawi a, hetiang a nih zel chuan ni 100 chhungin khawlphetha manah vbc Rs. 300 hman belh a ṭul dawn tih Thawhlehni khan a sawi.

Khawphetha lama harsatna an tawh chhan chu ruah tui tlem vang a ni tih sawiin; CM chuan, Umiam Dam chu khawphetha siamchhuahna hmunpui ber a ni a, ruah tui tla a tlem avangin Dam hi khar a ngai ṭep tawh a ni, a ti.

Meghalaya state chauh ni lo, ṭhenawm state-te pawhin ruahtui tlem avangin an harsatna ang bawk hi an tawk ve mek tih Sangma chuan a sawi.

Chief Minister chuan state-in kawlphethaa harsatna a tawh ṭhinte sutkianna tur a zawng mek tih sawiin, "Solar mission hi hmalakna tur zinga pakhat a ni. Hun chu la duh deuh dawn mah se, kum hnih thumah chuan solar power-ah hmasawnna a awm tawh beisei a ni," tiin, sorkarin thermal plant siamna turin license a buaipui mek thu a sawi.