Nagaland-in ei leh in thianghlim lo zuartute na takin hrem dawn

Nagaland food safety commissioner, Y Kikheto Sema chuan Nilainia Food Safety Authority buatsaih 5th World Food Safety Day programme a hmanpuinaah, Nagaland sorkar-in ei leh in thianghlim lo leh ei tlak loh zuartute chungah hremna na taka lekkawh a nih tur thu a sawi.

Kikheto Sema chuan hei hi ei leh in aṭanga kai theih natnate zawn chhuah leh tihreh nana sorkar hmalakna a ni, a ti. Mipuite him zawk nan Nagaland Food Safety Authority-in a hma thei ang berah state chhunga ei leh in zawrhte a thianghlim tawk leh tawk loh endikna runpui an nei dawn tih sawiin; ei leh in thianghlim tawk lo leh ei tlak lohte chu state chhung khawi hmunah mah zawrh phal a ni dawn lo, a ti.

Sema chuan Food safety expert-te chuan bazar, school, hostel leh restaurant-a thei leh thlai leh dah ro chite an endik thuai dawn tih a sawi a, "Kan himna hi mitinin kan ngaihven tur a ni a, kan ei leh in hi damdawi ṭha ber a ni," tiin a sawi.

Ei leh in thianghlim neih chu ram chhung economy leh eizawnna atan pawh a pawimawh a; a leitute leh a zuartute tan a ṭhat ve ve thu Sema chuan a tarlang.

Programme-ah hian ei leh in thianghliam lo zawn chhuah dante zirho a ni a, Health and Family Welfare Department, Kohima Smart City Development Limited leh department hrang hrang official-te an tel a ni.