Tripura-ah ṭekin mi 2 deng hlum

Tripura-ah Ningani khan ṭekin mi pahnih a deng hlum a, mi dang panga an hliam bawk.

Official-te chuan ṭekin a den hlumte hi South Tripura-a Devipur khaw mi Shailendra Reang (33) leh Sepahijala district-a Golaghati mi Badal Dey (60) te an ni tih sawiin, leileta hna an thawh laiin ṭek hian a deng niin an sawi. Golaghati-ah hian mi dang panga in hliam an tuar bawk a, damdawi-inah hruai nghal an ni.

Bishalgarh sub-divisional magistrate Binoy Bhushan Das chuan ṭekin a den hlum chhungte hi ralna, Rs 10,000 ve ve pek an nih thu leh, sorkar lamah zangnadawmna Rs nuai 4 thleng an dil theih tur thu a sawi. Hliam tuarte pawh enkawl mek niin, damdawi leh enkawlna pawh a thlawn veka pek an ni dawn tih a sawi.