Assam Tea kum 200 tlin pualin loneitute chhiah awltir dawn

Assam sorkar chuan Assam Tea-in kum 200 a tlin pualin kum thum chhung loneitute chhiah awltir an ni dawn tih a puang. Hei hi April ni 1 aṭanga hman ṭan a ni ang.

Chief Minister Himanta Biswa Sarma hoa Guwahati-a Janata Bhawan-a cabinet meeting an neihnaah he thuthlukna hi an siam a ni.

Assam tourism minister Jayanta Malla Baruah chuan cabinet thuthlukna hi puangin, Assam Agriculture Income Tax Act, 1939, hnuaiah agriculture income-ah kumin April ni 1 aṭanga chhiarin kum thum chhung chhiah awltir an ni dawn tih a sawi.

Hei bakah hian Abhinav Bindra Foundation Trust nena thawhhona Olympic Values Education Programme chu Guwahati-a sorkar leh private school 250-ah kum 2024-2027 chhungin Rs. vbc 6 senga kalpui a nih tur thu a puang bawk. State cabinet chuan hemi atan hian International Olympic Committee leh Abhinav Bindra Foundation-te chu thawhhona thuthlung ziahpui a remti tawh a ni. He programme hian tleirawlte harsatna; nun nguai, rilru pek theih lohna leh school chawlhsante sutkian a tum dawn a ni.

Cabinet chuan GST council thurawn angin Assam Goods and Services Tax (Amendment) Ordinance, 2023 pawh a pawm a, Guwahati-a State Bench GST Appellate Tribunal din a rem ti bawk.