Sikkim sorkarin motor-ah oxygen kit dah vek turin ti

Sikkim sorkar chuan mipuite him zawk nan, motor zawng zawngah oxygen kit dah vek turin dan thar a siam. He dan thar hi July ni 4 aṭanga hman ṭan a ni ang. Sikkim transport secretary Raj Yadav pawhin hemi chungchangah hian thuchhuah a siam tawh bawk.

Sikkim sorkar thuchhuahin a tarlan danin, oxygen kit hi mimal leh sumdawn nana hman motor-ah dah vek tur a ni a, oxygen kit-te hi Sikkim Health department-in an certify-te chauh hman tur a ni ang. He dan hi zawm a nih leh nih loh Sikkim police leh state motor vehicles division-te'n an enfiah ṭhin ang.

Sikkim state-a zin veivakte hiptu ber Lachen, Lachung, Gurudongmar Lake leh Yumthang-te hi 10,000 ft-a sang te an ni a, altitute sangah hian boruak a tlem avangin heng hmun tlawhtu, khualzinte zingah thawk lamah harsatna neite an awm ṭhin a ni.

Nikum khan Sikkim sorkar chuan motor zawng zawng, two-wheeler tiamin, altitude sanga kal turte chu oxygen bur phur tel vek turin thurawn a lo pe tawh bawk. Ft. 8000 chung lamah hian oxygen a tlem tawh hle a, hei hian damlohna a thlen thei a ni.