Meghalaya-in ruihhlo hluar dona atan PITNDPS Act hmang dawn

Meghalaya sorkar chuan state chhunga ruihhlo hluar zel dona atan Prevention of Illicit Traffic in Narcotic Drugs and Psychotropic Substances (PITNDPS) Act 1988 a hmang dawn.

State sorkar hian PITNDPS Act hman a nih theihna tur hian advisory board la din chiah lo mah se, High Court judge hlui Justice Shivaji Pandey chuan advisory board hi ho a remti a ni.

PITNDPS Act hnuaiah hian, ruihhlo tawlh ru hriatte chu, eng anga tlem pawh ni se man theih an ni a, a tlem berah thla thum tantir an ni ang a, kum khat thleng an tan hun hi pawhsei theih a ni bawk ang.

Thawhṭanni khan Lyngdoh chuan state chhunga damdawi hmang sual an pun zel chungchangah senior official-te meeting a neihpui a; police department, social welfare department leh health department official-te an tel. Meeting-ah hian kum 2019-a an chhinchhiah dan aṭanga tehin state chhungah damdawi ti an pun nasat thu tarlan a ni.

Lyngdoh chuan, nikumah Drug Reduction Elimination and Action Mission (DREAM) project siam a ni tawh tih sawiin, he project hnuaiah hian mission director leh a team-te chuan ruihhlo dona nena inkaihhnawih sorkar department hrang hrang an puih tur thu a sawi. DREAM project hnuaiah hian ruihhlo dona kawnga mipuite inzirtirna, awareness programme leh campaign huaihawtna atan Rs. Vbc 5 dah a nih thu Minister chuan a sawi bawk.