Bangladesh PM-in hmarchhak state Governor leh Chief Minister-te Theihai pe

Bangladesh Prime Minister, Sheikh Hasina chuan Theihai hmanga inṭhianṭhatna siam a lantirna chu chhunzawmin, hmarchhak state hrang hranga Governor, Chief Minister leh sorkar official senior ṭhenkhatte an ram tharchhuah theih ṭhahnem tak a pe.

Assistant High Commissioner of Bangladesh, Ruhul Amin chuan Prime Minister Hasina thilpek chuan ram pahnihte inlaichinna a tinghet dawn tih a sawi.

Assam Chief Minister Himanta Biswa Sarma chuan Theihai kg 300 lai a dawn avangin Hasina-i hnenah lawmthu a sawi. Nagaland Chief Minister Neiphiu Rio pawhin Theihai quality ṭha tak an dawn avanga lawmthu sawiin, PM Hasina hnuaiah hian India-Bangladesh inlaichinna ṭha an neih chunzawm zel a beisei thu a sawi.