AP-ah BJP sorkar laka lungawi lohna lantir

Arunachal Pradesh Congress Committee (APCC) chuan an state-a BJP sorkar duh lohna lantirin Inrinni leh Pathianni khan Bharat Jodo Yatra (BJY) an nei.

APCC President Nabam Tuki chuan Inrinni khan Banderdewa-ah Bharat Jodo Yatra hi a hawng. Banderdewa aṭangin Naharlagun panin kawng an zawh a, nimin khan Naharlagun aṭangin Itanagar thleng an zawh leh bawk.

Indian National Youth Congress (INYC) in-charge Arunachal Pradesh, Nur Sofiqul Wazid chuan yatra chu BJP sorkarin dawn hmanga mipuite thu a tiam ṭhin te, inhuatna leh inṭhendarhna politics a kalpui ṭhinte duh lohna lantirna atana neih a nih thu a sawi. Hemi rual hian tun hnaia ram pum huapa yatra hlawhtling taka lo neitu, Congress hruaitu Rahul Gandhi thiltih an zahna lantirna a ni pakhat tih a sawi bawk a ni.