Manipur CM-in sorkar rin-tawkna motion pu lut dawn

Manipur chief minister N Biren Singh, House leader ni bawk chuan vawiina Legislative Assembly 11th session neihah BJP kaihhruai ṭangrual sorkar rintawkna, trust motion a pu lut dawn. 

Manipur Legislative Assem­bly secretary M Ramani Devi chuan eptu pawl, Congress party-in BJP kaihhruai sorkar rintawk lohna motion put luh an tum chu a hnawlsak hnuah, CM hian trust motion hi a pu lut dawn ta a zawk a ni. 

Congress thupuangtu, Ni­ngombam Bupemda Meitei chuan Speaker hian Congress-in no confidence motion put luh a tumna a hnawlsak laiin, BJP sorkarin confidence motion a put luh chu a phalsak ta zawk a ni, a ti. Hemi rual hian he motion hi hnehin a awm ngei dawn niin Congress chuan an sawi a, an party MLA-te pawh Assembly session-ah hian tel vek turin a hriattir.