Sikkim-a leiminin in 100 chuang a ti chhia

Sikkim-ah ruah sur nasa vangin West Sikkim district-ah leimin nasa tak a thleng a, leimin hian in 100 chuang a tihchhiat bakah, lei (bridge) ṭhenkhat a hnawl bawk.

Tun hnaia ruah sur nasa avangin College Khola Valley-ah tui a lian a, Simphok-a lei lian chu tui lian hian a hnawl a ni. Gyalshing district-a Dentam sub-division pawh leimin awmin, in leh kawngte a chhia. Kawng leh lei chhiate siam ṭhat hna hi thawh zui nghal a ni.

Sikkim-a leimin leh tuilian hian thlai chinna hmun tam tak a tichhia a, ran vulhte thlengin an tuar bawk.

Ruah surin chhiatna a thlenah hian mi tam takin in leh lo an chan a, kawngpui pawimawh tak tak, khaw chhung hmun pawimawh pawhtu leh khaw kar kawngte tuilian leh leimin hian a tichhia a, state chhunga lui ṭhenkhatte pawhin a hlauhawm chin an pel tawh a ni.