Assam-ah hri kai hmuh thar 2,218 awm
Assam-ah kar liam ta Inrinni khan Covid-19 kai hmuh thar mi 2,218 an awm a, he hri vanga thi hi mi pariat an awm bawk. Hri kai hmuh chhuah tawh hi mi 57,714 an tling tawh a, mi 140 in thihpui tawhin, mi 40,591 enkawl dam an awm tawh thung.
Hri kai hmuh tharte huamin, Assam-a positivity rate hi 4.04% a ni. Hri kai thihpui, mortality rate hi 0.24% niin, India ram state zinga a hniam ber pawl a ni.
MLA pariatin Covid-19 kai tawh
BJP MLA Mihir Kanti Shome chu Covid-19 a kai tih Zirtawpni zan khan hriat a ni a, ani nen hian Assam MLA zinga pariatin he hri hi an kai tawh a ni. Politician-te bakah state chhunga senior bureaucrat 20 chuangin hri hi an kai tawh a, police 2,000 chuangin an kai tawh bawk.